म्हां रै ऊपर पग धर चढग्या,
लोग ऊपराळी मजलां पर,
म्हे निसरणी रा गाता।
बां रो सगळो बोझ,
म्हे ई सहो।
म्हे सुणता रैया,
बां जिको कीं कहो।
म्हे चिप्या रैया अेक जगा
आप रै करम सूं या भरम सूं,
बां रा चरण,
कंवळ बळ भरता रैया,
म्हां री जिनगाणी रा खाता।
म्हे भी मेखां सूं ठुक्या।
देखण नै दुख-सुख म्हां रा
कोई नीं रुक्या।
रोंवता रैया रैया किस्मत नै,
जोंवता रैया बाटड़ली
म्हे निहाल हुया,
जद बां दरस दिया आता-जाता।
म्हे निसरणी रा गाता।
