Anjas Mahotsav is the first-ever festival, devoted to Rajasthani language. It is a two-day celebration that will bring together literature, theatre, scholars and researchers, performing arts, music, films, traditional games, local food, storytelling, arts and crafts, design and architecture and various other intangible Rajasthani cultural practices to the forefront.
साहित्य, कला अर लोक रौ तम्बू घणौ म्होटो है। इण रै सरुप नै और फूटरौ करण सारु केई उछब होंवता आया है। अंजस महोत्सव इणी तरै रौ, पण अनूठौ कार्यक्रम हौ। अंजस महोत्सव राजस्थानी साहित्य कला अर लोकजीवण रै अरथ में अेक निरवाळौ कार्यक्रम है। इण जळसे रौ पैलो संस्करण 29-30 अक्टूबर 2022 नै जोधपुर मांय व्हियौ। जळसे मांय ‘अंजस’ वेबसाइट (anjas.org)रो लोकार्पण हुयौ। इण जळसे में भांत-भांत रा साहित्यिक आयोजन, अकादमिक सत्र अर सांस्कृतिक कार्यक्रम हुया। कार्यक्रम रौ श्रीगणेश पैलड़ा केबिनेट मंत्री बीडी कल्ला अर रेख़्ता रा संस्थापक संजीव सराफ़ करियौ। दो दिन रै इण उच्छब मांय साहित्य, संगीत, कला, शिल्प अर राजस्थानी जीमण रा निरवाळा रूप देखणजोग हा। कार्यक्रम में राजस्थानी रा ख्यात कवि, गायक अर कलाकार सामिल व्हिया। जळसे री विगतवार जाणकारी नीचे दियोड़ी है।
