जद कोरोना वायरस कैयो
‘म्हैं पाछो आयग्यो
बण’र दूजी लहर
फैलावण
दस गुणो कहर’।
तो मिनख
चड़ी-चुप्प कोनी रैयो
अर बोल्यो—
पैला— लॉकडाउन लगायो
अबकी बार
जन-अनुशासन पखवाड़ो मनायो।
पाछै कोनी हटूंगा
हर मोरचा पै सावचेती सूं
वैश्विक महामारी सूं लड़णै डटूंगा,
म्हारी भी पूरी तैयारी
टीकाकरण री योजना
जोर-शोर सूं जारी,
ऑक्सीजन री कमी कोनी आवेगी,
ठौड़-ठौड़ कोविड अस्पताल
खुल जावेगा।
गांव-गांव मांय
आइसोलेसन सेंटर है
दवाईयां भी, कड़ाई भी
लागू कर पावांगा
स्थिति नियंत्रण में लावांगा।
जिन्दगी-मौत तो
ऊपरवाळा रै हाथ है,
पण-
म्हारा हौसला में भी जान है,
कोसिस करणो
लहर-दर-लहर
टूट जावेगा,
कोरोना सूं जंग
मिनख जीत पावैगा।
