Quick Links

दुख पर कहाणियां

कहाणी40

च्यानणै में अंधेरो

दाखी भूवा कलकत्ते में सेठां री रसोई में एकली बैठी बाबू री उडीक में ही। नेड़ै सी उण रो बेटो रामूड़ो एक बोरी पर बुखार में चादरो ओढ्यां सूत्यो हो। कदे-कदे बाबू घणो देर लगाय'र आफिस सूं आवता अर आयां पाछै और भी देर लगाय'र जीमता। इतरै दाखां नैं रसोई में ई रवणो

मनोहर शर्मा

ढिगलौ

माळा रा फिरता मिणियां आंगळ्यां बिचै कद ठैरग्या वीं नै ठा नीं पड़्यौ। सांमै रमता टाबरां रा झूमका, बायरिया रा झोलां रै समचै कड़्यां लुळाता फूलां रा बूंटा अदीठ व्हैग्या, बरामदै में बोरी बिछायां बैठी री निजरां धोळा धप्प मोगरा रा फूलां माथै थिर व्हैगी। वा

मनोहर सिंह राठौड़

सिरकती झूंपड़्यां

आथणकै रो बगत पंखेरू उड़-उड़ रूंखां रो आसरो लेवै लाग्या। काती रा अंधार पख में धरती काळी-कामळ ओढ़ती जेज नीं करै। सड़क रै साव सारै बीसे’क झूंपड्यां, आं में रोट्यां वणै जतै च्यांनणो लपलपावै पछै अंधेरो ई बस्ती नै गिट ज्यावै। सगळी झूंपड़्यां अेकसा डोळ। ओछी-ओछी

मनोहर सिंह राठौड़

पगोथिया

पगोथियै माथै पग मेलते ई जबान रै काळजै सागै सगळो सरीर सगसगा-टग्यो। पग पाछो हेठै राख्यो। अठीनैं-बठीनैं झांक्यो। गरमी हाल पड़ती ही। गळी खाली ही। हां, पाटै माथै बैठ्यो देवो नाई एक टाबर रो माथो गोंडां बिचाळै घाल’र संवार करतो हो। गली रै दूजै छेडै सूं मूळियो

श्रीलाल नथमल जोशी

नीलकंठी

गीता बोरी रौ तापड़ियौ आंगणै बिछायौ अर बोली, “बैठ।” म्है आज्ञाकारी टाबर री दाई बैठग्यौ अर गीता म्हारै सामी। “आज गैलौ कियां भूलग्यौ?” “यूं ई, याद आयगी तो आयग्यौ।” “रेवण दे, म्हारै जिसां नै कुण याद करै?”गीता रै चैहरे पे उदासी छायगी। बीं री आंख्यां ऊंडी

माधव नागदा

उडीक

यूं रामगढ़ बीसूं बार आयौ-गयौ हूं, पण अबकाळै उठै जावणौ घणौ आंझौ लाग्यौ। मन जाणै कियांई होवण लाग्यौ। पै’ली जद कदैई रामगढ़ जावण रौ मौकौ मिळतौ, मन में घणी हूंस रैवती, च्यार दिनां पैली’ज अेक अणबोलणी खुसी मन में भरीज जावती अर, मन हर बखत भरियौ रैवतौ। मोटर में

नृसिंह राजपुरोहित

कांचळी

गाडरां जैड़ा धोळा केसां री बिखर्‌योड़ी लट सूं झूंपै रौ उळझ्योड़ौ खींपड़ै रौ तिरणौ पोपली आंगळ्यां सूं काढ, हाथ में अंगरेजी बांवळियै रौ बांको चिटियौ लेय, खाड़का पैर’र डोकरी समधा बारै निकळी। झूंपै रौ फळो बीड़’र भंडारियां री दुकान सांम्ही चाली। झीर-झीर हुयोड़ौ

रामेश्वर दयाल श्रीमाली

आ कहांणी कोनी

जगचावी! मसहूर! बे-जोड़! उस्ता चित्रकला। म्हैं ‘आर्ट-गैलरी’ में खड़ी ऊंट री खाल पर सोनै रै पांणी अर रंगां सूं बण्योड़ा चितरांम देखै ही, जिका दरसकां नैं जबरदस्ती आप कांनी खींच लेवै। राधा-किसन रा चितरांम, रासलीला रा चितरांम, बणी-ठणी, महेंद्र-मूमल, ढोला-मारवणी

मंगत बादल

आसमानी पैंट वाळो छोरो

दिन री सरूवात ही म्हारै वास्तै चाय सूं व्हैती.. इण कीं खास नुवीं वात तौ है कोनी। पण जिण दिन अखबार कोनी आवतौ चाय बेस्वाद व्है जावती। अखबार भणवा को भी म्हारौ अलग ही तरीकौ अेक हाथ में चाय रो कप व्हैतो तो दूजा हाथ सूं अखबार रा पन्ना पळैटती। सबसूं पैलां म्हैं

रीना मेनारिया

बेकळा

गांव जिस्यो गांव। गांव रै घरां जिस्या घर। कीं री भीतं, कीं री पछींत। कीं रीं देहळी, कीं रो दरवाजो। कीं री छात, कीं रो आंगणो। म्हारै दरवाजै स्यूं मंगतू नाई री सगळी आंगणवाई दीखै; तो मंगतू नै भादर री साळ रो पूरो चित्राम। साळ-कोठा तो है मेह-तावड़ै, रीळ अर

मेहरचंद धामू

रामभरोसै

एक, दो, तीन अर च्यार साल होग्या लगोलग काळ पड़ता। खेतीखडा रै तो पैली साल इज दावणां लागग्या। दूजी साल धन्धो करणियां रा हाथ बन्धग्या। तीजी साल मांय बौरां री गांठी ऐडै लागली अर चोथै साल मांय नीचै स्यूं लेय’र उपरतांई सगळां रा हाथ उपरनै होग्या। मिलगत खत्म।

मेहरचंद धामू

संजीवण

सेठ रिखबचन्द रै टाबरां नैं पढ़ाय’र मास्टर किसोरीलाल घरे जावण सारू हवेली सूं बारै नीसर्‌यो, जद ऊजाळै मा’ह महीनै री चोथ रै चंदरमा री फूटरी किरणां उण रो घणो स्वागत कीनो। माथै मावटो हो अर हवा बाजै ही। ठाड पड़ै, जाणै हिमाळो हालियो हुवै। बारै नीसरतां मौर मांस्टर

रामेश्वर दयाल श्रीमाली

मानखै रौ मोल

घर रै मांय स्यात् म्हूं’ई इसो हो जिको चकराइज्योड़ो सो’क देखतौ हौ कै औ कांई खेल है। रात रा इग्यारै-साढ़ी इग्यारै बज्या हा, अर सिगळा लाम्बी ताण’र खूं-खूं सूता हा। कमरै रै बांडै सूं रमतौ तीन बरसां रौ टाबर कोई जूंनी बात जिकी उणरी मां कदेई उणनै कैई ही,

भगवानदत्त गोस्वामी

नैणां खूट्यो नीर

डाकियो हेलो मार्‌यो—तार! तार!! भाग’र डाकियै कनै पूग्यो। तार ले’र उलटै पगां पाछो आयो जितरै तो मा घबराई थकी किंवाड़ पकड़्यां धीरै सीक बोली, “राम! काईं हुयो? तार क्यूं आयो?” जाणै तार दुख रो संदेसो ईज लावै है। उण री आंख्यां में दादाजी, बाबाजी रा मरण संदेस

रामनिवास शर्मा ‘मयंक’

भाजमभाज

सुबै उठतां ई बा तो झूंझळ सूं भरीजगी। खुद री चा बणा’र मुनिया रो दूध तातो हुवण खातर गैस पर मैल’र चा पीवण बैठगी रसोई सूं बारै। चिणक देर में ई दूध बळनै री गंध आयी। बा कप नैं पटक’र भाजी रसोई मांय। गैस बंद कर्‌यो। खुद माथै रीस आई बीं नै। खाताई सूं काम सलटाणै

सावित्री चौधरी

लिछमी रो लाडलो

पंडित जी! हूं हाथे लगावणी अ’र पगे बुझावणी जाणू को ‘नी इयै मन्दिर में आय’र हूं झूट को बोल सकूंनी। आ बात साची है— एकदम साची के इयै मन्दिर में आय’र हूँ पैली बार साची बोलण री कोसिस करूं हूँ। हूँ— म्हारी आतमा री सुद्धि करणी चावूं... पंडित जी! आप कंई फरमावो?

रामदेव आचार्य

चींचड

झांझरकै सूं ई भागा-नाठी होवण लागगी। गोपाळो काल रात नैं घणो सारो दारू पी आयो हो जकै सूं उण री मांदगी बधगी। डागधर बींनै सफा-सफा कै दियो हो कै दारू थारै वास्तै विस बरोबर है, पण गोपाळो सगळां री आंख्यां मांय धूड़ घाल-परो सेवट दारू रा घणां सारा गुटका गटकग्यो

यादवेन्द्र शर्मा 'चन्द्र'

सेंबर

उणदाड़ै म्हारे खुद रे सै’र अकबार ‘जनमन’ ला’र ज्यूं ई छोकरे मन्ने दियो, तो पेलाइज पांना रे माथे छपियोड़े विग्यापन माथे म्हारी आंख्या ठिठकगी। ‘मां एक नवी योजना शुरू करी है। रायसा’ब धनपतराय रै बंगळा माथे पच्चीस री सिंझ्या रा तीन बज्यां ‘मरद-सेंबर’ रचियो

नारायणदत्त ‘श्रीमाली’

तानो

सावण-भादवै री झड्यां। तिसी पिरथी री अमिजेरी बूंद्यां सूं तिरपती। तेजै रो आसाड रै बादळ ज्यूं घूमणो। धोरां ऊपर पपैयां री पीवू पिवू। आंणद नै आंणद रो राज! गांव खरनाळ! कंवर तेजा नै उणरो मोटयार पण! ‘म्हारा लाडेसर!’ ‘के है मां!’ ‘थारै जुऐ री चमड़ै री डोर्‌यां

यादवेन्द्र शर्मा 'चन्द्र'

दलाल

म्हैं पसु-बौपार रौ नामी दलाल। सिर पर झूठ री मोटी-सारी पांड। जबान पर इमरत रौ बासौ। गायां रा भैंस्यां तळै अर भैंस्यां रा गायां तळै करतौ फिरूं। आखै इलाकै रा बोपारी म्हारी कदर करै। मिलतां ई ढाबै पर ले जावै। ओडर मारै, “दो चा बणाई रै ढाबाळा!” ढाबै रौ धणी

रामस्वरूप किसान

तीजी जूण

सुबेदार रामरिखजी अर बां री जोड़ायत रै आवणै सूं उण घर में अेक सरणाटो-सो पसर गियो। ईयां लाग्यो जाणै इण घर में कोई सोग रो समचार आयग्यो हुवै। जदकै सोग आळी कीं बात नीं ही। सोग कदी हुयो हो कोई दोय बरसां पैली, जद सतनारायण मास्टर री बीनणी चालती रैयी ही। पण आज

श्याम जांगिड़

हुंसेर

“रामारे नै लडालडा कै तीन कौडी को कर राख्यो है। दो आंक पढ़ जातो तो मिनख हो जातो पण ई में तो धूळ का दाणा ही कोनी। उलटा दूसरां कै टाबरां नै मार-मार कै सांड हो रयो है।” एक तीसेक बरस की लुगाई दस बारह’क बरस कै छोरै नै घींस कै पंडित जूंहारमलजी की पोळी कानी

हणमानसिंघ शेखावत

दया

ऊगतै सूरज नारायण नै नमस्कार कर’र सूंडियो शिकार सारू रोही कानी बहीर हुयो। उणरै अेक हाथ में सुगणी सांढ री मौरी ही बीजै में पाळतू हिरणी सूवटी री लांबी रास, जिणरो अगलो नखो अराव री दांई उणरै हाथ में लटकै हो। सांढ रा पग दाब्यां शिकारी कुत्तो शेरू चालै हो।

मदन सैनी

लसणियो

आज री डाक में आयोड़ा दूजा सगळा ई कागद-पत्तर उण बांच लिया पण टूटी-फूटी भाषा अर आडी-बांकी लीकां सूं भर्‌योड़ो बो पोस्टकार्ड बांचण री हिम्मत ई नीं हुई। पोस्टकार्ड रा समाचार बिना बांच्या ई उणरै हीयै में उघड़ै पण बो आ नीं जाणै कै कांई पड़ूत्तर देणो चाइजै।

बुलाकी शर्मा

निरभागण

सोमवार रो दिन! बैंक में भीड़ ई बेजां, सब नै खतावळ, पण टैम तो लागै ई। भांत-भांत रा गाहक, भांत-भांत री तकलीफां। कित्ती ई मेटो, बधती जावै, दिनभर सागी रामाण। दो’पारै पछै कीं ओसाण मिलै जद कीं भीड़ छंटै, पण साची बूझो तो बैंक ईं भीड़ रै पाण ई आगै बधै। कीं छीड़

हरिमोहन सारस्वत 'रूंख'

जीया

“ओहहो भाभी, म्हारै तो गोडा घणा दुखै है।” जमना दोई गोडा पकड़’र कुड्सी माथै बैठती थकी बोली| भाभी यानी नवीन री लाडी निर्मला। नवीन जमना रे छेटी रो भाई, दादी रै सगा में। पण नेह बहोत। इतरो कै पांतरै रो पांतरै जमना छाछ री कैटली भर’र खुद ई लै आवै, “लो भाभी, साव

माधव नागदा

रिंकू

— कांई जीवण अेक अबखो मारग है? — नीं तो! — नीं कांई, अबखाइयां, मुसीबतां अर आफतां सूं भर्‌योड़ै लांबै मारग रो नांव ई जीवण है। — मन रै हार्‌यां हार है अर मन रै जीत्यां जीत। बाकी जीवण लांबो कठै? जीवण तो आंख रै फरुकै बीतै। केई काम अधूरा रह जावै अर संसार

रामनिवास शर्मा

सुळती भींता

रामनाथ घर में बड़्यो। मांय पग धरतांई उणनै लखायो कै अमूजो है। कीं कीं गिंधा रैयो है। कपड़ा नै निचोवां जणा आंटा देवणा पड़े, ठीक बिंयांई उण रै जी रै आंटा लाग रैया है। नीचै आंगणै में भाभी अर दो बीनण्या बैठी ही। बेक बीनणी आटो ओसणै ही’ दूजी साग सुधारै ही’

सांवर दइया

याद

अजब सैर है ओ। इण अध कचरै सैर नै ठा नीं क्यूं डिस्ट्रिक्ट हेड-क्वार्टर बणाय राख्यो है। मन्नै आ बात बेजां अणखावणी लखावै, पण जाऊं कठै? नौकरी तो करणी ई है। सात दिन चपलां घस्यां पछै ओ कमरो मिल्यो है। कमरो मिल्यो है। कमरो कांई, घूरी है। इण तरै बणायनै छोड्योड़ो

मालचंद तिवाड़ी

रिस्तो अर उदास मौसम

वा ‘शारदा ओल्ड अैज होम’ में वार्डन री नौकरी करण लागी। टैक्सी ड्राइवर अर अेक लुगाई अेक डोकरी नै स्हारो देयनै मांयनै लाया। उणां नै देखनै अनिला रै होठां ऊपर अेक मेहरबान मुळक अर आंख्यां मांय मोहब्बत भरी चमक ऊभरी। “आओ मां जी..! ओ आपरो अपणो ई घर है।” कैवतां

ज़ेबा रशीद

समंदर

—मां, रोटी....। पगां रै लूमतो राजू बोल्यो—म्हनै भूख लाग मेली है मां! सोना बींरै सूखै मूंढै कानी देख्यो। रोटी रो सलीको बींरा खेत, बींरी बा चवदै किलो दूध देवणवाळी गाय, भूरती बकरी, मुड़योड़ा सींगांवाळी भैंस, धोळियो बळद बींरी आंख्या में फिरै लाग्या। दोरी

बी. एल. माली ‘अशान्त’

बादस्या

‘बादस्या! ओ बादस्या!’ ‘आयो साब!’ बोलतो बादस्या जीवणै हाथ में रेती अर डावै हाथ में सेवरलेट गाडी री पिन लियां फोरमैन रै सामीं ऊभो हुयग्यो। उण रा खाई में दापळ्या नैणां में बेबसी रा खीरां रो जगमगाट अेकरसी चिलक्यो। फेर जाणैं वीं पर राख री परत चढ़ी जगी हुवै।

अमोलकचन्द जांगिड़

ऊजळी

कड़ड़! बीजळी चमकी, आंख्यां में पळको पड़यो तो पलकां मींचगी। जांणै सारा डूंगरां में लाय लागी व्है। घररर घररर बादळ गाज्या। बिछाणां में दब्योड़ा टाबरां आप री मावां ने काठी पकड़ लीधी। बीजळियां रा सळाका लाग रिया। लारै री लारै इन्दर री गाज! जांणै हजारां हाथी

रानी लक्ष्मीकुमारी चूण्डावत

कुणक्यो बिचोटियो

जद-जद ई सावण री रुत आवै, बादळा रिमझिम-रिमझिम बरसै है, तद सगळा पिराणियां रो हिवड़ो उमंगतो मोरिया ज्यूं नाच उठै है। पण म्हारा भायला री लुगाई श्रीमती मूमल रो हिवड़ो जाणै क्यूं अमूझणी खावे है? इण बात रो राज उण रो धणी श्री मेघसिंह ईज जाणै सा। मेघजी नैं म्हूं

हरमन चौहान

आसीस

“कितरी बार लगा दी, कमरै रा किंवाड़ खोलणै मांय। कुणसा पान कतरै ही या बहरी हुयगी जमां ई।” पसेव सूं भीज्योड़ा दयालजी, कमरै मांय बड़बड़ाता आया अर ऊळै हाथ मांय थामी बैंत नै भींत सारै खड़ी कर दी, सूंवै हाथ मांय थाम राखी पांच किलो आटै री थैली नै कमरै रै फरस

सावित्री चौधरी

त्रिभुज

जेठ रो महीनो। सिखर दोपारो। गोहिरो उतरण वाळो टेम। आखो गांव तंदूर दांई तपै। अैड़ै में सुरजो गळी परलै कमरै मांय सूत्यो। दोनूं छोरा आंगणै परली कोठड़्यां मांय न्यारा-न्यारा सूत्या। अेक में कासी अर दूजै में महाबीरो। दोनूं ई तीस पार। दोनां में दो साल री ल्होड़-बडाई।

रामस्वरूप किसान

रातवासो

फागण रो महीनो अर चांदणी धट्ट रात। नीलकंठ गांव माथै डोढ बोतल रो नसो चढ्योड़ो। रात पो’र डोढ पो’र बीतगी व्हैला। चंदरमा खासो ऊंचो चढग्यो हो। उणरा धवळ चांदणा में धुपीज’र गांव’र खेत सब ऊजळा बगला री पांख व्है जिसा व्हैग्या हा। पवन री ठंडी लैरां आवती अर खेतां

नृसिंह राजपुरोहित

जाज डूबी

(1) चन्दूलाल हाईस्कूलरी दसवीं किलास में पढ़र्‌या है। बाप तीन बरसांरी लटनै छोड’र परलोक सिधार गयो हो। मा लायण बडियां-पापड़ वट’र घणों दोरो बैनै इत्तो बडो कियो। आज बै सतरवों साल पूरो कर’र अठारवै में पग धरियो है। चन्दूलाल रै दो काका हा पण बां-रै-ई लाई-खाई

मुरलीधर व्यास विशारद

तीखी धार

तंगी जद मजाक पर ऊतरै तो धूड़ में मुट्ठी भरा देवै। बा इसी कर द्यै कै खा नीं कुत्ता खीर। समझ में ई कोनी आवै कै हांसै’क रोवै। भौत बेजोगतो काम कराय’र ताळी पीट खुद हांसै तंगी। कदे-कदे लांठै कवि री भांत बा अभिधा में दुख नीं देय’र व्यंजना में देवै। जकै री

रामस्वरूप किसान

चिगळ्योड़ा हाथ

“बाबू, आं हाथां नै कुण चिगळ्यां जावै है..! पैल्यां सूं काम जादा करां, फेर भी पैल्यां जित्ती चीजां कठै मिलै। पैल्यां सूं घटिया मिलै वै ओर। चोखी चीजां नै राम जाणै कुण खातो जा रैयो है। कांईं हुयग्यो इण टेम रै।” ब्यासजी परमा री बात-वात सुण’र उणरै मूंडै

बी. एल. माली ‘अशान्त’