मेघो गूंज रैयो रे, सावण लूंब रैयो रे
रसियो रिसाळू भंवरो झूम रैयो रे
आयी तीज नवल री आई, नाचै मोरड़ी रे
ऊभली मचकावै हींडै गोरड़ी रे
गावै मेघ मल्हारां गावै, हिव री कळी-कळी हरसावै
गजबण बीजळ रै पळकारै चमकै टोरड़ी रे
चमकै टोरड़ी रे, ऊभली मचकावै हींडै गोरड़ी रे
रसियो भंवर करै नीनाण, गोरड़ी भातेरण बण जाय
खेत में राम रमै, खड़ी पांथ में मुळकै
कण-कण धान फळै
पान-पान पर मोती चमकै ऊजळा रे
मेघो मधरो-मधरो गाजै
गजबण बीजळ रै पळकारै चमकै टोरड़ी रे
ऊभली मचकावै हींडै गोरड़ी रे।
