थांरै सूं हूं कईं लुकावूं नईं
ना म्हारो दुखड़ो ना म्हारौ हरख,
म्हारै अंतस मांय सूं दरसास्यूं
थांरै असल इतहास री कूंची।
ना कीरथंभ में ना थड़ै में
ना कंकरीट अर काच रै भवनां में...
तूं अणदीसतो पण लखावतो
म्हारै जूना अर लालची मनां में।
रतमाळी सूं ई नैड़ो बैवै
तूं उठै, निसांस सूं घणो कुदरती।
म्हारा जुग, तूं अर हूं एक हां
अर म्हारै मन मांय सूं तूं जताव।
थारै सूं हूं कईं लुकावूं नईं
ना घणो गुपत दुखड़ो ना हरख।
म्हारै अंतस मन नैं दरसावूं
थारी मंजरी री कूंची।
