आवणियै काल खातर ओ सवाल जरूरी है—
काल अर आज में कांई फरक है?
सरमा-सरमी में मरगी पूरी दुनिया
काल आंख खुली जद सूं रील पाछी चालू करां
रोज करो जियां ई स्सौ-कीं करता थकां
पूग्या थाळी तांई!
दौड़्या थाळी तांई!
पाछा घिरिया थाळी तांई!
सरमा-सरमी में मरगी पूरी दुनिया
चानणै अर अंधारै मांय सगळो खेल थाळी तांई
थाळी सूं जुदा कांई है
काल अर आज रै दिन मांय
कैवै तो है सगळा—
स्सौ-कीं लिख्योड़ो है हथाळी मांय
खाली थाळी नै ना लेय’र बैठो
देखो कीं है कै नीं
है आज सूं काल जुड़्योड़ो
है काल सूं काल जुड़्योड़ो।
