वाह रै मेरा सरकारी साण्ड।
तूं खूब रह्यो है टाण्ड॥
छोड्यो थो तनै खेत रूखाळी,
खागो तूं सगळां की थाळी।
फूस फळूंसी फरड़ा फांफर,
चारो चरग्यो सगळो काफर।
कैर कंकेड़ा काकड़, चरग्यो,
आंगण में तूं गोबर भरग्यो।
तूंत तूतड़ा घर-घर करके,
कियां रह्यो तूं टाण्ड,
वाह रै मेरा सरकारी साण्ड।
तूं खूब रह्यो है टाण्ड॥
देख लहलाता खेतां नै
तू भाज कै बड़ग्यो जोतां में
मूळी मेथी गेहूं गौजरी
मूंग मोठ और बरूं बाजरी।
खागो तूं देतां ई हाजरी
अर बात बणावै बड़ै राजरी।
आई जद तूमण की बारी,
छोड़ी अैनै सारी की सारी।
चारों कोणा भरकै भी
तूं पीगो सारा माण्ड
वाह रै मेरा सरकारी साण्ड
तूं खूब रह्यो है टाण्ड॥
