जावो-जावो
पांगळा भाई
अब पूठा जावो
थां लारै
सपना रै समदर री
पाळां बैठ'र
मोती चुगणै री
आसा नी संजोई
थां लारै
मुट्ठी भींच'र
खेत रै ऊमरां रै मांय
कांधै सूं खून
निचोवण री नी सोची
जावो-जावो
पांगळा भाई
अब पूठा जावो
थां लारै
आं नदी-नाळा नै
डाकण री चतराई सारू
कदै जी नै नी कळपायो
थां लारै
म्हैं परतख
भाखर बण'नै
कदै मून नी खोली
हांफल्डै चढ'र
अदीठ हुवता
चेरां नै नीं निरख्या
जावो-जावो
पागंळा भाई
अब पूठा जावो।
