लांबा हल्लाण री कठण पारख सूं
कोनी डरपै जुझारु लाल फौज
चुटकियां में डाक जावै नदियां सैज में
कीं नीं वांरै वास्तै सैकड़ू-हजारूं डूंगरमाळ।
पांच सिखरां री पंगत पसरी है दूर तांई
करै है जाणै नानकड़ी लेहरां रम्मत-गम्मत
ऊमड़ (एक परबतमाळ) रा सिखर आलीसान लागै अठै
जाणै पिण्ड माटी रा रमतोळ गोळ
सोवनी रेत-नदी रै जळ नै छाती चिपकाय
बादळ-ढंपी पथराळ सिला गरमासती।
तातू नदी रै आरम्पार लौह बेड़ियां
ठंडास चारूंमेर आपणी बखेरती।
हिम-उजाळ मिनशान डूंगरमाळ
हजारूं ली (5 किमी) आगी भी ओपती
तीनूं ही फौजां आ’ नै डाक, आगी बधै
सबां रै मूंडै मुळकण भरती।
