नऽऽईं
जसमल, नऽईं!
अबै इयां पांर नीं पड़ै
वौ आवै राव खें गार
थांरौ सत्त
थांरौ बोट
लेवण सारू
अर कौल भरै— आ थूं आ
म्हांरै खन्नै आ
थांनै रावळै ले चालू
थांरी गरीबी हटावूं
थांनै सेजां में बिठावूं
डोलर हींडै में हिंडावूं!
नऽईं जसमल!
नऽईं
अबै सुपनां री आ कावड़
देख्यां नीं सरै
थूं—समरथ!
थूं ओडां नैं भेळा कर
संघट्टण बणाय’र आगे हाल
अैड़ौ घाल घेरौ
कै हैलां रै उपरांखर सैंचन्नण व्है थांरौ डेरौ!
