साँवरिया रा नैणा सूं मैं, कियां नैण मिलाऊँ जी।
लुक—लुक, छुप—छुप देखूं बांनै देख—देख सरमाऊँ जी।
मुळक-मुळक मुस्काती आँख्याँ मन रै भीतर उतर रैयी।
लालम—लाल दमकमी सूरत, देह रो रूप, बदळ रैयी
रतन—जटित हो आई काया कुण नै कियां दिखाऊँ जी॥
वांरा नैणा रो रूपाळो, रिमझिम रस बरसावै है।
वां रा नैणा रो उजाळो चारूंमेर समावै है।
जगमग-जगमग हुई आत्म समझा कोनी पाऊँ जी॥
साँवरिया रा नैणा सूं मैं कियां नैण मिलाऊँ जी॥
