Quick Links

आजादी रै ऊंखळ में

लोकतंत्री मूसळ सूं

बाजरी रै खीच दांई

कूटीजै है सीधौ-सादौ आदमी

चोरटा नेतावां री

नीत में आयगौ घाटौ

पग-पग माथै पीसीजै है आदमी

नेतावां रै इसारां माथै

जनतंत्र रौ जाप

जपतौ जा रह्यौ आदमी

दिन-दिन

आजादी री ओळखाण

भूलतौ जा रह्यौ आदमी

स्रोत
  • पोथी : माणक (पारिवारिक राजस्थानी मासिक) ,
  • सिरजक : विक्रमसिंह गून्दोज ,
  • संपादक : पदम मेहता ,
  • प्रकाशक : माणक प्रकासण ,
  • संस्करण : जुलाई 1987
जुड़्योड़ा विसै