स्यामलाल मरण लाग्यौ
रामलाल रंडौ-भंडौ
राफड़-रौळा करण लाग्यौ
मालीराम मया कर
मसड़-मसड़ चरण लाग्यौ
तातौ-रातौ रूळियाराव
खूंजियां में खोपरा
ओलै-ओलै भरण लाग्यौ
लाडणूं रौ लाडचन्न
मिंदर में लुगायां लख
राफां तांई झरण लाग्यौ
भापली रौ छोटकियौ
धूड़-पीठा भेळा कर
धोबां-धोबां धरण लाग्यौ
छत्तरमल जद बारै आयौ
चूंतरी माथै अळसायौ
सगळौ गाँव डरण लाग्यौ
अदीतवार हौळै-होळै
जाय वीं री सरण लाग्यौ
स्यामलाल रै साथै-साथै
उळट आंख्यां मरण लाग्यौ?
