थोड़ै सबदां में सदा कैणै री आद है म्हनै
आग हूं मैं, धूप नै सैणै री आदत है म्हनै
आंधियां मेरै बिना कियां चालैगी साथियां
मैं हवा हूं हर घड़ी बैणै री आदत है म्हनै
सुगंधां सै मेरो रिस्तो जनम सूं है के करूं
सूळ में भी फूल बण रैणै री आदत है म्हनै
हरख पल भर भी कोई नै दे सकूं तो धिन्न हूं
छांव बण कर कै सदा ढैणै री आदत है म्हनै
मैं कदै भी कोई मारग पर रुक्यो, ठहर्यो नहीं
म्हैं मुसाफिर हूं सदा बैणै री आदत है म्हनै।
