मोर बोले रे
ओ मलसा सिरोही री धरती में
ओ मलजी आबू रै पाड़ां में
मलसा मोर बोले रे...
ढोल गै’रौ बाजै अे!
गजबण सिरोही री धरती में
गजरां सिरोही री धरती में
मलसा ढोल बाजै रे...
परी नाचै नी रे ओ
गजरां मटकी रै ढोलड़ले
गजरां परी नाचै नी रे
कीकर नाचूं रे मलजी टूटोड़े आंगणिये
कांच बीड़ा दूं अे गजरां
थारौड़े आंगणिये,
गजरां थारोड़ै कारणिए...
ढोल गै’रौ बाजै अे!
कीकर नाचूं ओ मलसा फाटोड़े गादरिये
मलजी कीकर नाचूं रे
नवो सिड़ा दूं अे गजरां
पक्कोड़ी सीटां रौ
गजरां मुल्तानी सीटां रौ...
पल-पल नाचूं अे थारोड़ै कारणिए...
परो झिलाणौ रे
मोरियो मारै नै
परो छोडावूं रे मलसा
गळै रौ बाड़लियो दे नै थांनै
परो छोडावूं रे...
देळै रे झगड़ां रे
मलसा कोर्ट नै रे कचेड़ी
मलसा मोर गैरा बोले रे
परी बिटाळी रे बाम्भण री बेटी नै
छोड मत जाजो रे मलसा छोटी नै थळवट में
मलसा छोड मत जाजो रे...
मोर बोले रै आबू रै पाड़ां
ओ मलसा सिरोही री धरती में...
मलसा मोर बोले रे...
