Quick Links

अंजस सोशल मीडिया

भंवर थांरी ओळ्यूंड़ी आवै

लोक परंपरा

स्वर:रेख़्ता AI

घोड़ले चढ़ता चितारजो जी

म्होंनै रस्ते में/टापां-टापां करजो याद

भंवर थांरी ओळ्यूंड़ी आवै राज!

राठौड़ां थांरी ओळ्यूंड़ी आवै राज!

महलां रे चढ़ता चितारजो जी

म्होंनै पेड़्यां-पेड़्यां पर करजो याद

भंवर थांरी ओळ्यूंड़ी आवै सा!

राठौड़ां थांरी बोली प्यारी लागै राज!

महाराजा थांरी ओळ्यूंड़ी आवै राज!

दारु रे पीवंता चितारजो जी

ओ जी म्होंनै प्याले-प्याले पर करजो याद

भंवर थांरी ओळ्यूंड़ी आवै राज!

जोड़ी रा थांरी ओळ्यूंड़ी आवै राज!

सैजां में चढ़ता चितारजो जी

म्होंनै सूता-सूता करजो भंवर याद

भंवर थांरी ओळ्यूंड़ी आवै राज!

महाराजा थांरी ओळ्यूंड़ी आवै राज!

राठौड़ां थांरी ओळ्यूंड़ी आवै

कागदियो लिख मेलूं थांनै रे डाक सूं

बन्ना थे तो छुट्टी रे छुट्टी घरै आवो

भंवर थांरी ओळ्यूंड़ी आवै राज!

कोडीला थांरी ओळ्यूंड़ी आवै राज!

चौपड़ रमता चितारजो जी

म्होंनै खेलता रे करजो याद

भंवर थांरी ओळ्यूंड़ी आवै राज!

बादीला थांरी ओळ्यूंड़ी आवै राज!

राठौड़ां थांरी ओळ्यूंड़ी आवै...

आपनै प्यारी लागै सा नौकरी ओ..

थांरी डाबरनैणी/गोराजण नै प्यारा लागो आप

भंवर थांरी ओळ्यूंड़ी आवै राज!

बादीला थांरी ओळ्यूंड़ी आवै राज!

राठौड़ां थांरी ओळ्यूंड़ी आवै...

आप रै कारणिये भंवर ढोलियो ढळायो

पोढण री वेळा वेगा आवो

भंवर थांरी ओळ्यूंड़ी आवै राज!

रोंसीला थांरी ओळ्यूंड़ी आवै राज!

राठौड़ां थांरी ओळ्यूंड़ी आवै...

भंवर थांरी ओळ्यूंड़ी आवै राज!

जुड़्योड़ा विसै

Quick Links

अंजस सोशल मीडिया

भंवर थांरी ओळ्यूंड़ी आवै

Quick Links

अंजस सोशल मीडिया

Write to Us

THANK YOU FOR CONNECTING WITH US!

भंवर थांरी ओळ्यूंड़ी आवै

अन्य

अन्य