ए जी म्हारा कृष्णचंद्र बनवारी, थारै चरण कमल बलिहारी॥
ब्रजभूमी में जलम लियो प्रभु, प्रथम पूतना मारी।
इंद्रसेन को गरब मिटायो, नख पर गिरवर धारी॥
खेलत गेंद गिरी जळ जमना, चढे कंदम की डारी।
पैठ पताळ काळीनाग नाथ्यो, फण फण निरत मुरारी॥
बिन्दराबन में रास रचायो, सोभा अचरज भारी।
बिच बिच गोपी स्याम बिराजे, ज्यूं चंदा उजियारी॥
महाबली कंसादिक मारे, भक्तन भये सुखारी।
उग्रसेन नैं राजतिलक दे, पुरी बसाई न्यारी॥
करो कृपा ब्रजनंद सांवरा, राखो लाज हमारी।
चंद्रसखी तुम रो जस गावै, चरण कंवल पर वारी॥
