जीवण मांय
असफळता आवैला
पग-पग माथै थन्नै
डिगावण रो
आ अणूंतो जोर
दिखावैला।
जे थूं!
इणां सूं
डरण लागग्यो
जे थूं!
इणां सूं
डिगण लागग्यो
जे थूं!
इणां नै
साम्ही देख’र
पग पाछा
भरण लागग्यो
तो कींयां…
थूं सफळता पावैला?
नीं डरणो है
थंन्नै इणा सूं,
नीं डिगणो है
थन्नै इणा सूं,
थूं मानजै!
हरे'क असफळता नै
सफळता कानी
जावण रा पागोथ
अर थूं भरजै, वीं माथै
हरख अर ऊरमा रै सागै
आगै बधण सारू
सफळता पावण सारू
अर इण मिनख जूण नै
सफळ बणावण सारू
हरमेस पांवडा।
