ऊवै
आपरी काळी करतूतां सूं
जुगां सूं जूंनी पड़ियौड़ी
भागी तूटी झुपड़ी नै
मेलां मांय बदल दी
देखण वाळा
देखता रैग्या
अर-
कैवणवाळा
कैवताईज रैग्या
पण-
गरम व्हैतो गियो
मिळावट रो बजार
दोनूं हाथा सूं -
तिजोरियां भरण री
लागगी
लाळ-
ई वास्तै-
बिचारां री सांवठी सीमा
सिकुड़ र
बिन्दु-
सुवारथ रो बिणगी
अपणायत री बातां
सरदी मेंढ़कां री भांत
नीं जाणै
कठै छिपगी
इचरज-
इण बात रो आवै
कै-
सुबै उठ'र
हरख सूं
पींजरे मांय बैठे सूवै न
सभ्यता रै गेलै सूं
नीति री बातां
जोवण नै-
मजै सूं
बिता रिया है।
