म्हैं उण ठौड़ पे
ऊभौ रैवणौ चावूं हूं
जठै रोटी अर आवाज सारू
नीं हुवै कोई अवरोध,
मैणत करतौ मिनख
क्यूं भूखै पेट सोवण री
मजबूरी नै भुगतै?
हक री बात उठावण सूं पैलां
सबद होठां मांय क्यूं रुकै?
आवौ—
इण भांत री ठौड़ री पिछाण बतावौ
पैली लैण मांय ऊभा हुय जावो
हरी बत्ती निजरै आवैगा
भीड़ रो रेलो बदळ जावैगा
म्हैं भगवान अर भाग्य सूं बत्तो
मिनख री मैणत पे भरोसो करूं
सांसां सूं सींच’र उण ठौड़
विचारां रा रूंखा नै हर्यो करूं।
