चांद पूछ्यौ चांदणी नै
क्यूं सागै-सागै चालै है
सूरज पूछ्यौ किरणां नै
क्यूं सागै-सागै चालती रैवै
समंदर पूछ्यौ नदियां नै
कांई म्हैं इज मिळियो डूबायै
रातां पूछ्यौ तारां नै
क्यूं हरदम टिमटिमावता रैवौ
बादळ पूछ्यौ बरखा नै
क्यूं म्हनै पाणी सूं सींच रैया हो
हवा पूछ्यौ बादळां नै
क्यूं सागै-सागै उड़ रैया हो
फूल पूछ्यौ खुसबू नै
क्यूं सागै सुगंध दैय रैयी हो
आसमान पूछ्यौ सगळां नै
सूरज, चांद, तारां नै
क्यूं म्हारै सहारै खड़्या हो
सगळा चुप्पी साध ली
अै सवाल सदियां स्यूं
पूछीज रैया है
पण किणी नै कोई जवाब
आज तक नीं मिळ्यो
सगळा स्थितप्रग्य सा
निसर खड़्या है मून धार्यां
मौनं शक्ति लक्षणम्।
