अेक मंत्रीजी को पेट फूलग्यो
और अयांलको फूल्यो
कै आगिनै झूलग्यो।
घणखरी दवाइयां खाई
पण पेट की फुलावट में
जरा भी कमी नहीं आई
बापड़ो कष्ट उठार्यो हो
ठीक तर्यां स्यूं
चाल फिर नहीं पार्यो हो।
हार कर अेक दिन
अेक विदेशी डॉक्टर नै
आपको पेट दिखायो
डॉक्टर तुरता-फरती
पेट को एक्सरे करवायो
एक्सरे देखताणी
डॉक्टर कै लाग्यो झटको।
क्यूं कै मंत्रीजी कै पेट में हो
कमीशन स्यूं
भरेड़ो अेक पूरो मटको।
डॉक्टर माथो पकड़क'र बोल्यो
मंत्रीजी! मेरो तो
कोई भी फार्मूलो
ईं बीमारी मांय
काम नीं आवैलो
थानै तो अब
भगवान ही बचावैलो।
बीं दिन स्यूं मंत्रीजी
रोजीना
हड़मान जी कै मंदर जावै है
नारेळ— चढावै है।
अर आपको दुखड़ो
अयां सुणावै है—
हे राम पियारा!
तारण हारा!
मेरै तन स्यूं यो
भार उतारो
'को नहीं जानत है
जग में कपि
संकट मोचन नाम तिहारो'।
