न चाऊं मा खेल-खेलकणा
न तितळियां के पाछै भागूं।
पहली पढ़बा को काम करूं,
फेर खेलबा में नाव करूं।
पढ़-पढ़ आखर, गिणती अर
गिटरपिटर अंग्रेजी बोलूं।
पढतां-पढतां बड़ी हो जाऊं
फौजी अफ़सर, मा अर,
डाक्टर बण जाऊं।
या सीमा पै खड़ी हो जाऊं
धरती मां कै काम में आ जाऊं।
मिनख्यां की सेवा कर जाऊंं,
अतनो सारो रूपयो कमाऊं।
थांरी फाटी साड़ी नुंई दिलाऊं,
बाबू जी को हाथ बटाऊं।
थां दोनी नै राज कराऊं,
थांकी सांची बेटी बण जाऊं।
