टूटोड़ी बंदूक
म्हारा मजबूत कांधा
अर लूंठी भुजावां री ओप,
सीन माथै ऊग्योड़ा घाव
म्हारो गरब-गीरबौ,
अंतस में
हिलोळा खाय रैयो है घाव सुख।
लड़ाई री समाप्ती पछै
कीं सिपायां साथै
म्हें उडीकूं हूं
वां लोगां री बाट
जिका डरप'र खाली करग्या
ओ भोमखंड
अर अबै वै इज
गिणैला म्हारा घाव
म्हने आदरैला।
व्हेय रयो है
म्हारै सांमेळै सारू
नुवैं गीत रौ पसाव
जुद्ध-गीत री चुन रे आधार।
म्हें उडीकूं हूं बाट
म्हारा घाव गिण'र म्हनै आदरणाळां री
नवीं बंदूक देय'र दूजै किणौ जुद्ध में भेजणियै री
हिवड़ै में घाव सुख हिलोरीज़ै है।
