सनसेट पॅाइंट सूं उतरती
आप-आपरौ गेलौ अपड़ियां
खिंडळ-मिंडळ व्है
टुरगी ही सेलांणियां री टोळियां
आप-आपरै बेलियां रै सांढै
जठै लेणौ है रातवासौ!
भीड़-भाड़ री चूंचाट अनै
कूकारोळै सूं
मुगत व्हैय
होळै-होळै
सांयत रै तळां
उतरग्यौ है सम...
उणरी ऊपरथळी
आपरै आं पांवणां रै
विजोग में
पीळी पड़ियोड़ी बादळियां
भाळतांईं-भाळतां
अेक-अेक करनै बिखरतोड़ी
रळमिळगी है आभै मांय
बिसारती आपरौ अेंहकार।
