अेक जणो बेचैन जिको सान्त जीवण सूं सूग करै
भाग सूं मोरचा लेवै, बारम्बार
गोता लगावतो, सारक मच्छ्यां रो सिकार करतो,
नकली फेफड़ा लगायां बल्लम अर चक्कू लियां,
घूमै जळमारगां अटपटां में,
टैगा रा जंगळां में तेजी सूं बधतो
बरफ री सिलावां माथै मईनां काढै उतराद—दिखणाद गत में,
सादा लठ्ठां माथै पाल ताण्यां कसोटी चढ़तो
अेकलो समदर रै आर-पार बैवतो।
पण दूजो—टेलीविजन जोवतो
नाजक बिस्कुटां नैं चाय में डुबोवतो,
इसा अजब करतबां ती मसखरी उडावतो।
बांरी घणी जरूरतां नैं बकारतो।
अर जद बींरा पड़ोसी बीं दिरस नैं जोय’र,
सांस रोकता चिंता रै भौ में घबराया—
बो बड़बड़ावै: “छोरपणै री रमतां!
सैतान!”
पण आदत सूं ईं सबद नैं गिटै
हीमतवान।
