मौकळा दिन
निसरग्या चीखता
बिलखतै दिनां सागै
मौकळी रातां पीयगी
राता रो अंधारो
नीं तो फूटै कलम सूं
कोई ज्वाळामुखी
अर नीं ही मण्डै है
ठंडी मधरी
चाँदणी रा चितराम
कोरे कागज
अेक तारो क्या टूटग्यो
आभै सूं
सूरज नै ही करग्यो
लीर-लीर-लीर
कीं रै चढाऊं अरघ
या ताक’र
मारूं भाटो
चीस्याडा मारती पून
चीरणौ चावै काळजौ
रूं रूं छावतै सरणाटै में
गूँजतौ रैवै
भभाड़ मारतो कुवो
पथरायी म्हारी आंख्यां
ताकती रै —
रंजी भर् योड़ी कलम
कुण झलावै झाड़
पाछी म्हारै हाथां
हाथां सूं?
