घणी अंधारी छ या रात, पण हुयो कांई
बिगड़ गई छ बणी बात पण हुयो कांई
छ चारूं मेर तरक्कयां रा खूब हंगामा
अठै छ दुक्खां री सौगात पण हुयो कांई
तिसाया खेतां खळाणां पै आग रा औसाण
समन्दरां पै छ बरसात, पण हुयो कांई
जमाने!थारा छळां री बसात पै य्हाँ तो
हुई छ म्हांकी सदा मात पण हुयो कांई
मटर गयौ छ वा अरमानां रो हर्यो मांडो
लुटी छ सपणां री बारात पण हुयो कांई
म्हंनै ई मीच’र आंख्यां यकीन वां पै कर्यो
म्हं सूं ई वां नै करी घात, पण हुयौ कांई
