आपरै जुलमां री भी किताब कोई है

लूट लियो लोक सारो हिसाब कोई है

आदमी नै आदकाल सूं बणा र्‌या

इण बानगी रो आपरो जवाब कोई है

उमर पांण आप रैवो बीस साल रा

आप कनै जोबण रो खिजाब कोई है

रूप रो रुआब फांस जाळ प्रीत रो

कांमणगारी कामणीं खिताब कोई है

नैंण सैंण बैंण सूं सुध खो र्‌या स्याणा

लेखो-जोखो मजनुवां रो जनाब कोई है

स्रोत
  • पोथी : बिणजारो ,
  • सिरजक : ओमप्रकाश गर्ग ‘मधुप’ ,
  • संपादक : नागराज शर्मा ,
  • प्रकाशक : बिणजारो प्रकाशन पिलानी (राजस्थान) ,
  • संस्करण : अंक-34
जुड़्योड़ा विसै