हाळी हलकारौ दे
पून फटकारौ दे
होळै-होळै हालै म्हांरा पीपळिये रा पांन
धोरै ऊपर बांधले थूं झूंपड़ी मचांण।
हाळी हलकारौ दे
पून फटकारौ दे
धोरां-धोरां बीज दे तूं बाजरौ गुआंर
डैर्यां-डैर्यां बीज दे थूं मौठ अर जुंआर।
हाळी हलकारौ दे
पून फटकारौ दे
होळै-होळै हालै म्हांरा पीपळिये रा पांन
धोरै ऊपर बांधलै थूं झूंपड़ी मचांण।
हाळी हलकारौ दे
पून फटकारौ दे
हाथ में गंडासी झाल खेत में पधार
अगड़ बुहार भाई बगड़ बुहार
कर अळसोट भाई खेत नै सुधार।
हाळी हलकारौ दे
पून फटकारौ दे
होळै-होळै हालै म्हांरा पीपळिये रा पांन
धौरै ऊपर बांधलै थूं झूंपड़ी मचांण।
हाळी हलकारौ दे
पून फटकारौ दे।
