चन्न-चन्न बरखा बरसै
बादल घड़ड़-धड़ड़ गरज्या
बिजल्यां चमकी हुयो कड़ाकौ
मरवण रा हिवड़ा धड़क्या
सा'यब बैगा आजाज्यौ
न तो पाती पटकाज्यो
सूणों घर अर सूणी म्हूं छूं
काली रात म्हनै-डरावे
बाथ भर्यां सोऊं लैर सराणों
थे ढोळा-रे सपना आवै-
म्हनै सैणाणी दे जाता
म्हनै आबा की कह जाता
टपूक-टप म्हारौ मंगरो चूवै
पल्कां म रातां कटगी
बाट जोटथाक्या पगळ्या
सूण जगातां जुग-कटगी
रुंकड़ी सूख चली आज्यो
ईंने-सींच हरी करज्यो
बाट न्हाळता-दन ढळजा
तारां गिण-रातां कटगी
पल्कां सूं मोती झडतां
मावस-सू पूणियां होगी
म्हारा सायब आजाज्यो
म्हारी पल्कां म सोजाज्यो
सावण गीत लगै फीका
बागां का झूळा झौंटा
सजी सहैल्यां करे मसखर्यां
पी-रहगी-कड़वी घूंटां
म्हारा इन्दर आजाज्यो
बाग म झूळो घळवाज्यो..
