भर लाये कलाळी दारु दाखां रो
ओ पीवण वाळो लाखां रो
भर लाये कलाळी दारु दाखां रो
ओ दारु पिओ रंग रमो
और रातां राखो नैंण
दुश्मी थांरां जल मरै
सुख पावैला सैंण
पीवण वाळो लाखां रो
भर लाये कलाळी दारु दाखां रो
साजन आया हे सखी!
और कांईं भेंट करां
थाळ भरां गजमोतियां
सो ऊपर नैंण धरां
पीवण वाळो लाखां रो
भर लाये कलाळी दारु दाखां रो
ओ क्या दारु मेड़ते
और क्या दारु अजमेर
म्हांरा राठौड़ आरोगसी
सौ मोहरा रो सीर
पीवण वाळो लाखां रो
भर लाये कलाळी दारु दाखां रो
ऊंचे पाए ढोलियो
और ढीली पड़ी निवार
साळू थांरा सळ बध्या
और रमिया राजकुमार
पीवण वाळो लाखां रो
भर लाये कलाळी दारु दाखां रो
सीसी तो दग-दग करै
प्यालो करै पुकार
मिरगानैंणी अरजां करै
और पिओ राजकुमार
पीवण वाळो लाखां रो
भर लाये कलाळी दारु दाखां रो
