![Anjas](https://anjas.org/images/inner_banner_bg_mob.jpg)
![सत्येन जोशी सत्येन जोशी](https://anjas.org/images/shayar/round/satyen-joshi.png)
सत्येन जोशी
राजस्थानी कविता जातरा रा चावा-ठावा कवि।
राजस्थानी कविता जातरा रा चावा-ठावा कवि।
जन्म: 02 Oct 1934 | जोधपुर,भारत
निधन: 23 Dec 2000
सत्येन जोशी रौ जलम 2 अक्टूबर 1934 नै जोधपुर में व्हियौ। आधुनिक राजस्थानी साहित्य में वांरौ नाम आदर सूं लेईजै। सत्येन जोशी गद्य-पद्य दोनां में लगोलग सिरजण करता रैया। सत्येन जोशी री पिछाण कवि रूप भलांई ठावकी रैई व्है;पण वांरी पैली पोथी 'कंवळपूजा' उपन्यास रूप साम्ही आयी अर इण पोथी पर वांनै केई सम्मान पण मिल्या।
राजस्थानी साहित्य भाषा, साहित्य अर संस्कृति अकादमी सूं जद वांरौ पैलो कविता संग्रै छप'र पाठकां साम्ही आयो तो उणरी चर्चा घणी जोर-सोर सूं व्ही। सत्येन जोशी 'जागती जोत' अर 'आगीवाण' जेड़ी पत्रिकावां रा संपादक ई रैया। सत्येन जोशी री कवितावां में जनकवि गणेशीलाल व्यास 'उस्ताद' री थोड़ी-घणी ओळ दीसै।
'मुगती बंधण' (काव्य-नाटक), 'रोवणिया दा'सा (रेखाचित्र), 'कंवळपूजा', ' जूणविहूण' (उपन्यास), 'हंस करै निगराणी', 'फेर ऊगैला सूरज' (काव्य-संग्रै), 'बंतळ' (गजल संग्रै) आद वांरी प्रकासित पोथियां है।