मोनिका गौड़
समकालीन कविता-जातरा मांय ठावौ नाम।
समकालीन कविता-जातरा मांय ठावौ नाम।
राजस्थानी कविता नै निरवाळी ओलखाण देवणवाळी ऊरमावन कवयित्री मोनिका गौड़ रौ जलम 12 अगस्त 1972 नै नोहर मांय हुयौ। वांरी भणाई-गुणाई सगळी बीकानेर हुई अर कर्मथळी पण बीकानेर ही है। वां बी.एस.सी. गृहविज्ञान, अर राजस्थानी, हिंदी साहित्य में एम.ए करी। समाज री बिडरूपतावां साथै लोक अर किरसै री अबखायां नै कलम सूं कागज माथै मांडण री सांतरी खेचळ वांरी कवितावां में निगै आवै। मोनिका गौड़ मंच परम्परा में ई चावो नांम है। वांरी रचनावां राजस्थानी री लगैटगै सगळी पत्रिकावां मांय छपती रैवै। वांनै अलेखूं इनाम-इकराम मिल्या है।