आपरै टाबरां री रूखाळी
मां आपरै रगत सूं करणी जाणै
आखरी सांस तांई
टाबरां री आस
टूटण नीं देवै
मां रो सुहाग
टाबरां भेळो
रगत सूं साख भरै
मां ही तीरथ
मां ही मिंदर
मां ही साच रो दरबार है
लागै इण जमीं माथै
लोकतंत्र ई कोनी
राजा रो राज
तानाशाही री जमीं
हिटलर रो तमासो
जको बाकी हो
इण राज मांय पूरो हुवै
हाड़ौती, ढूंढाड़ी, मेवाड़ी अर शेखावाटी
म्हारी मां रा आंख, नाक, कान अर काळजो है
मां रै नांव माथै
संविधान अर मां री बात्यां री धज्जियां बै पच्चीस उडा रैया है।
