बे अेक दिन सगळी तैयारी सूं गैया
गळी मौहल्लै रा कोथळिया चुग'र भेळा कर्या
पर्यावरण बचावण रो संदेस देय'र
छपवा लिन्ही अखबारां में फोटूआं!
अेक दिन काढ'र गळी री बुहारी
बे ले आया वोट सगळै मोहल्लै रा
पण बे रोजिना चुगै कचरो,
कोथळिया
दारूड़ां रा गेरैड़ा पउआ
पारट्यां करता छोरा री फैंक्योड़ी बोतलां!
फिरती रेवै गळी-गळी
बचावती साफ सभ्य लोगा सूं आपरी साख
पण बे कचरो चुगणआळी रेवै,
कदै कोनी छापै कोई अखबार
बां री फोटू किसै'ई पर्यावरण दिवस माथै!
