कदै थूं खुद नै म्हारी जग्यां राख'र देख
निजरा अर मूंडी नै नीची नाख'र देख
कमतर करतां थकां जे तिस लाग ज्यावै
पाणी रै खातर कदै ई डूक मांड'र देख
गाम रै ढाबै माथै टूट्योड़ी डांडी रा कप
खूणै में अलायदो बैठ'र चा मांग'र देख
गिन्दगी झाड़ू बुहारी रै बेगार रै पडूंतरै
सैं रो जूंठौं खावण नै मिळै चाख'र देख
कै जातिया हो?कठै ही जांवा तो सैं बूझै
जे मूंडै मांय बीड़ी व्हे कूड़ो खांस'र देख
गाम रो जोशी सैं रा लारला करम बांचै है
कदै म्हारै 'निर्मोही' करमा नै बांच'र देख।
