तोड़’र पींजरो
जाणै कद उड जावूं म्हैं!
लाख लगावो बंदिसां
फेरूं ई खुलै आभै मांय
जिग्यां बणावूं म्हैं...
हां, म्हंनै लुगाई जूण माथै
गीरबो हुवै, मोकळो गीरबो!
म्हारै भलाईं आ दुनिया
रूढियां री सांकळा पगां रै बांध देवै...
म्हैं आं बंधणां नै तोड़ूंला!
इतियास देख लो
ना हारी हूं कदैई,
ना आगै कदैई मात खावूंला...
इण जूण रा
सगळा फरज म्हारा
कबूल म्हंनै!
म्हैं निभावूंला दस्तूर
म्हैं लुगाई हूं,
अर म्हैं कैवूं
थे जाण लो-
आ जूण है नीं
थे समझो जित्ती सोरी कोनीं..!
