अर र र बेट्यां, राजी व्हैन पाळौ रे,
पाळौ रे, पढ़ाओ रे
पढ़ पढ़ बेट्याँ देख लो, कलक्टर बणगी रे
कलक्टर बणगी रे, चुण मिनिस्टर बणगी रे।
बेटा-बेटी में फरक राखतौ,
व्हौ जा चुक्यौ है जमानौ
तद भेदभाव लुगाइयाँ सूं व्हैतो,
घण दुख में व्हाकौ जीणो।
आज जमानौ बराबरी वाळौ रे,
वाळौ रे, समझाऔ रे॥१॥
अर र र बेट्याँ, राजी व्हैन पाळो रे॥२॥
पाळौ रे पढाओ रे
पढ़ पढ़ बेट्याँ देख लो...
ओ भरून-हत्या तो भारी जुळम है,
थ्हैं भूल कर मती करज्यौ
गर गळती करोला पाप भोगोला,
जाय जेळ मांय मरज्यौ।
कन्या नै खूब सम्भाळो रे, सम्भाळो रे,
लाड लडाओ रे॥२॥
अर र र बेट्याँ, राजी व्हैन पाळौ रे,
पाळौ रे पढ़ाओ रे
पढ़ पढ़ बेट्याँ देख लो ...
नूवां जमाना री नूवीं बात आ,
कोने है छोर् यां कमती
अे रक्सा, सिविल-सेवा मांय आगै,
राजनीति मांय जमती।
देख छोर् यां रौ उजाळौ रे, उजाळौ रे,
सभी हरसाओ रे॥3॥
अर र र बेट्यां, राजी व्हैन पाळौ रे,
पाळौ रे, पढ़ाओ रे
पढ़ पढ़ बेट्याँ देख लो, कलक्टर बणगी रे
कलक्टर बणगी रे, चुण मिनिस्टर बणगी रे।
