कद आवैगी
कुळ धरियाणी?
बळितौ बी छै
चूल्हों बी
हाढीं बी छै
अर कुडों बी,
चमची छानमुन छै
सेळी-सेळी फूंकणी,
लीली स्याग
बंधी-बंधाई
बाट न्हाळती
बतळारी छै
चून सूं
बाळक बेटी
न्हाळ री छै
बाट टकटकी
लगा'र
पेट कर र्यो छै
कुरळाटा
झूठयाई मन
समझावे छै
खाळी कटोरो सामै
मेळ'र
पाणी मं डबो-डबो'र
आगळियां
कद बावडैगी
जामण म्हारी
पैला को काम धन्धो कर'र
म्हारे ताईं दो रोटी
जुगाड़ लेर
बाट न्हाळती आंख्यां
बैठी छै दरवाजा कं
बीचों बींच देळ के
पेली पार गरयाळा
ताईं.....।
