कपाल किया कर
सुपनांरी
खीरां पै हाथ सेकै, हाथ!
जिका कारीगर बण
कोरणी करी
सुपनां री सूरतियां घड़ी
घाटियां सूं गा'ल में
गुड़ियोड़ो
भाखर रो कालजो
अंधारै री गुफा में
घुर्रावै
ऊपर
बम नांखणी हवी जाजां
दाटै,
चीलां गुलगुला झपटती रैगी
जबाड़ौ
धरती रो फाटो
इजगरांरो 'अपरैसन'
फूटी कादे री धार
जिनांवरां री पूंछा
मिनखां रो भेजो
सोनै रो मिरग
रूपै री थाली
सांकल मोत्यांरी
चाम पै उघड़ी चीढां
कलूटी धरती रो
ओ काया कलप।
