तूं थारै घर जाव कोरोना,
म्हे जावां स्कूल
नीं खेल्या नीं कूद्या भाया
घर ई घर में हुया पराया
बारै पग-पग पसरयो खतरो
नानी-दादी हटक सवाया
पीटी डम्बल लेजन भूल्या
गया प्रार्थना भूल
करोना म्हे जावां स्कूल
ऑनलाईन क्लासां री कळझळ
सर मैडम जी बोलै अड़-बड़
नेट प्रॉब्लमां नाड़ी टूटै
लिंक जुड़ै नीं, टूटै पळ-पळ
टेब फोन कम्प्यूटर माथै
होमवर्क अधझूल
कोरोना म्हे जावां स्कूल
तूं थारै घर जाव कोरोना
म्हे जावां स्कूल।
