थां पर दारमदार सांवरा
करज्यो बेड़ा पार सांवरा
फरज निभाणूं ज्ये आज्यावे
मिल ज्यावे अधिकार सांवरा
बणा दियो नाथी को बाड़ो
खल उगळै क्यूं खार सांवरा
धोको देय करे मन मीठो
डूबे काळीधार सांवरा
न्याय रत्थ जिण रे बळ चालै
बे घोड़ा बदकार सांवरा
जिण ने प्यार दुलार जाणता
निकऴ्यो स्हो ब्योपार सांवरा
खेतां में खिंडाय रसायन
हाथां मांडी हार सांवरा
कोरोना को काळो मूंडो
करदे अबकी बार सांवरा
एकर-एकर पाछा करदे
गांवां ने गुलजार सांवरा
नये साल रा रामा श्यामा
हाथ जोड़ इजहार सांवरा
