Quick Links

आभै साम्हीं भाळ भायला,

लेख करम सूं टाळ भायला

धरती में सोनो गडियोड़ो,

उणनैं परो रुखाळ भायला

गुथमगाथी है जीवण में,

मकड़ी रो औ जाळ भायला

घोर अंधरा में जावणिया,

सूरज साम्हीं भाळ भायला

आव तपण दे डील तावड़ै,

आळस नैं मत पाळ भायला

बेवणियो इज पूगैला, पण

डांडी डांडी चाल भायला

स्रोत
  • पोथी : राजस्थली लोकचेतना री राजस्थानी तिमाही ,
  • सिरजक : अब्दुल समद ‘राही’ ,
  • संपादक : श्याम महर्षि ,
  • प्रकाशक : राजस्थानी साहित्य-संस्कृति पीठ
जुड़्योड़ा विसै