आज म्हारे दादाजी री पोल्या मालण ऊभी ओ राज।
सुण-सुण ए मालिड़ा री बेटी कई कई विक्री लाई ए?
फूल मोगरो केल-केवड़ो गूथी लाई ओ राज।
आज म्हारे काकाजी री पोल्या मालण ऊभी ओ राज।
सुण सुण ए मालण री बेटी कई कई विक्री लाई ए?
फूल मोगरा केल केवड़ो सेवरड़ो गूथी लाई ओ राज।
आज म्हारे मामाजी री पोल्या मालण ऊभी ओ राज॥
सुण सुण ए मालिड़ा री बेटी कई कई विक्री लाई ए?
फूल मोगरो केल केवडो सेवरडो गूथों लाई ओ राज।।
आज म्हारे मासाजी री पोल्या मालण ऊभी ओ राज।
सुण सुण ए मालिडारी बेटी कई कई विक्री लाई ए?
फूल मोगरो केल केवड़ो सेवरडो गूंथी लाई ओ राज॥
