सांवरा रति ना करो हेरो म्हारौ थारै बरोबर डेरो
सांवरा रति ना करो हेरो...
सांवरा नौरा हेली थारै हो दोय झूंपड़ी म्हारै
सांवरा रति ना करो हेरो...
सांवरा हाथी घोड़ा थारै हो भैंस ऊंटणी म्हारै
सांवरा रति ना करो हेरो..
सांवरा राधा रुकमण थारै हो जबर जाटणी म्हारै
सांवरा दोय कंवरसा थारै हो खेमो कुसळो म्हारै
सांवरा दोय कंवरसा थारै हो चांदो नेसो म्हारै
सांवरा रति ना करो हेरो...
थनै धन रै धन्ना भाई थारै मोज ठाठ है भाई
मैं अेक दिन आऊं तेरै आपां मिलस्यां दोन्यूं भाई
सांवरा उंध्याळै मत आइये म्हारै कोनी बिजळी पंखा
सांवरा सियाळै मत आइये म्हारै कोनी सिरक सोड़िया
सांवरा आसोजां में आइये म्हारै धोरां काकड़ मतीरा पाकै
सांवरा रति ना करो हेरो..
सांवरा धोरां डूंचो मांड्यो आपां बैठां दोन्यूं भाई
सांवरा खेमो कुसळो चीड़ी उडावै आपां देखां दोन्यूं भाई
सांवरा चांदो नेसो चीड़ी उडावै आपां देखां दोन्यूं भाई
थनै धन रै धन्ना भाई थारै मोज ठाठ है भाई
जाटणी रोटी ले’गे आई आपां जीमां दोन्यूं भाई
सांवरा बाजरियै गी रोटी हो ग्वांरफळ्यां गो साग
सांवरा कूंजै में दही ल्याई आपां जीमां दोन्यूं भाई
थनै धन रै धन्ना भाई थारै मोज ठाठ है भाई
मैं अेकर द्वारका जाऊं मैं पाछो तेरै आऊं
सांवरा रति ना करो हेरो म्हारौ थारै बरोबर डेरो।
(संदर्भ – क्रिसन भगत धन्ना जाट रो भजन)
