पागड़ियां रा पेच
भंवर म्हनै ढीला-ढीला लागै रे
कुण जी आगळ सीसड़लो निवायो रे
बादीला रैण कठैई रे गमायी रे
कोडीला रैण कठैई रे गमायी रे
म्है तो म्हारी भटियल राणी रा
सासू रा जंवाई रे
अरे सासू आगळ सीसड़लो निवायो रे
बादीला रैण कठैई रे गमायी रे
कोडीला रैण कठैई रे गमायी रे
आंख्यां रौ काजळियो/सुरमो
म्होंनै फीको-फीको लागै रे
किणजी आगळ नैनणला झुकाया रे
बादीला रैण कठैई रे गमायी रे
कोडीला रैण कठैई रे गमायी रे
अरे दांतां री बतरीसी
म्होंनै फीकी-फीकी लागै रे
किणजी आगळ हंस नै बतावां
बादीला रैण कठैई रे गमायी रे
कोडीला रैण कठैई रे गमायी रे
अरे म्है तो म्होंरी भटियल राणी रा
साळ्यां रा बैनोई रे
अरे साळ्यां आगळ हंस नै बतावां
बादीला रैण कठैई रे गमायी रे
कोडीला रैण कठैई रे गमायी रे
