सांवळै रंग रौ रोंसीले रो करियौ
गळिये घूघर कंठमाळ
सांवळै रंग रौ रोंसीले रो करियौ
करियो बंधावां
जूनी रे झूंप मों
निराड़ां नागर वेल
सांवळै रंग रौ रोंसीले रो करियौ
झरकै झेकाड़ां
रावळो करहलियौ
भड़कै कराय दां पलाण
सांवळै रंग रौ रोंसीले रो करियौ
सिणियल सीरख रौ
हांजी गासियौ
कसणी कसूम्बल डोर
रेवौ तो रंधावां लापसी
चढतां नै चावळियो रौ खीच
सांवळै रंग रौ रोंसीले रो करियौ
रेवौ आजूणी रातड़ी
सीख देराड़ां परभात
सांवळै रंग रौ रोंसीलै रो करियौ
गळिये घूघर कंठमाळ
सांवळै रंग रौ रोंसीले रो करियौ
