सायब जी थांरो हींडो सावण रो
मालक सा थांरो हींडो सावण रो
लिख-लिख कागदिया ढोलै नों भेजां
आयी रे नवलखी तीज
बादीला/रोंसीला थांरो हींडो सावण रो
हींडो बड़ले री साख
बादीला/रोंसीला थांरो हींडो सावण रो
दिनड़ा गुणती रा नाखड़ला घस ग्या
घस गई पैरूड़ां री रेख
बादीला/रोंसीला थांरो हींडो सावण रो
हींडो बड़ले री साख
बादीला/रोंसीला थांरो हींडो सावण रो
झिरमिर-झिरमिर मेवला बरसै
आसूड़ो न्हांखै झीणा डोर
बादीला/रोंसीला थांरो हींडो सावण रो
हींडो बड़ले री साख
बादीला/रोंसीला थांरो हींडो सावण रो
सहलियां रे हांजी साथ में
म्हैं हींडण जाऊं तीज
बादीला/रोंसीला थांरो हींडो सावण रो
हींडो बड़ले री साख
बादीला/रोंसीला थांरो हींडो सावण रो
दूजै तीजणकै हींडण लागै
म्हनै हींडो नीं आवै याद
बादीला/रोंसीला थांरो हींडो सावण रो
हींडो बड़ले री साख
बादीला/रोंसीला थांरो हींडो सावण रो
